Wednesday, July 30, 2014

اشتياق...

ساعات حاجات غربية بتتغير جوه الناس مش بتكون باينه ايه هيه...بس تبص للواحد كده تقوله انت فيك حاجه غريبة .... هو فعلا احنا بنتغير ولا الدنيا الى بتتغير...ولا كل حاجه سابته و السن بس هو الى بيتغير؟
العيد عدا و من قبله رمضان والناس كلها بتترحم على رمضان زمان و عيد زمان طيب ايه الى مانعنا ان احنا نجيب تانى ايام زمان؟
اكيد عشان التفكير اتغير و الحاجت الى كانت بتفرحنا مابقتش هى..يعنى مثلا الفستان المنفوش الى كله ورد ملون الى كنت بنام واحلم بيه عشان البسه دلوقتى مبقاش يقرحنى... طب هو ايه الى ممكن يفرحني دلوقتى؟
يمكن اشتياقى لسن الواحد ماكنش بيهمه اى حاجه ولا اى حد...ماكنش بيبص ده لابس ايه ولا عامل ازاى.. سن كان الواحد اقل حاجه بتفرحه.
انا اول مره احس انى كبرت اوى كده :)