بصيص من الامل (على ما اعتقد...)

امبارح كان يوم عصيب على الناس كلها  وانقسموا الى مؤيد و معارض صراع كبير بين الحق والباطل ولكن ايهما الحق والباطل؟ لم اعرض افكاري كلها على الفيس بوك لان اكتشفت انها مش مستهله..فالناس لايطيقون بعض وماحدش عنده استعداد انه يسمع الطرف الاخر فلذلك احتفظت برأي لنفسي لنه لن يهم احد ولا اريد الدخول فى جدال قد ينتهي بنهايه علاقتي أحد اصدقائي الاعزاء فعلاقتي بهم كانت من سنين طويلة وعلاقتي بالدكتور محمد مرسي هي سنه واحده فقط...

انا مافكرتش كتير لاي جانب ممكن انحاز لكن استعدت بذاكرتي لاكثر من حادثة...

"المجلس العسكري يمسك الحكم..اعتراض الناس و كام مذبحه فى نفس الوقت الى كان فيه انتخابات مجلس الشعب الى الاخوان كانوا مهتمين بيها اوي و بيحتفلوا بها....والناس بتموت"

"قبل الانتخابات....الاخوان لن يترشحوا لانتخابات الرئاسه....خيرت الشاطر...حازم صلاح ابو اسماعيل....محمد مرسي

يوم انتخابات الاعاده...لازم نصر الدين...لازم نصر الاخوان على الفلول حتى لو مش اختياري...بس فلول لا دول هما الى قتلوا الناس.."

"بعد الانتخابات ومع الفارق البسيط الى كان بين الطرفين كل شويه اقراء....موتوا بغيظكم و الناس فراحانه و شمتانه فى احمد شفيق..

الصراحه لم اكن اؤيد الفربق احمد شفيق على الاطلاق بالرغم من اعجابي بصراحته انه قال انه هايدخل كل الى اشتركوا فى الثورة السجن!" 

"الدستور....لازم نقول نعم على الدستور....مستقبل مصر...الاسلام...الدستور ده فى حاجات كويسه...عجلة الانتاج....و بالرغم من انى مش مقتنعه...مشيت و قلت نعم..."

'مطالب الثورة ماتحققتش...يا جماعه اديله فرصه....شهور ..حادثة القطر...حادثة تسمم...حوادث ...حوادث ياجماعه هو يعنى الى كان عاملها..المهم الاسلام والحاجات دى بتحصل من زمان..

تمر شهور...حادثة الضباط...حادثة الجنود...حوادث..حوادث...قطع النور...مشكلة البنزين...قطع علاقات...مبارك بيطلع براة....الصبر يا جماعه الصبر....الاسلام...ده يادوب بقاله سنه..."

"انا حاولت ادور على حاجه حلوة...مالقتش غير صناعه التابلت المصري!!!!!! بس لسه فى ناس مش متعلمه....

يا جماعه الاسلااااااااااااااام خلاص نستنى التلات سنين الى جايين!!!"

"لا الناس غضبانه...معترضه...احنا مش عاوزينه...فين رأي الاغلبيه؟ رأي الاغلبيه ضد...لا انتى كده ضد الشرعيه..انتى كده خاينه..انتى كده بتضيعي حق الشهداء و الاسلام...انا؟؟! بعد كل ده؟؟! طب هما ماجوش من سنه ليه؟ عشان الناس الى حواليه...طب مين الى خلى الناس دي؟؟"

"احنا لما اعترضنا عملنا ثورة سلميه....اه سلميه لانى اكتشفت ان كل الي بيتقال عن حمل المتظاهرين للسلاح كذب....لما الاخوان اعترضوا على انور السادات قتلوه!...هي فين سلميه دلوقتي و انا كل شويه اقراء كلمات كلها تحريض...."الجهاد...النصر...الشهادة..." متأكدين ان ده معنى سلميه؟"

"بعد خطاب السيسي انقتح ماسورة الكذب....الرئيس مسيحي...الجيش انشق....كذب ...كذب ...كذب زى الحصل فى الاول هو مش الكذب حرام برده؟"

"ازاى نحتفل!!!!والناس بتموت فى رابعه (محمد محمود؟) ازاي نشمت فيهم وهما مسلمييييين (احمد شفبق؟؟)"

الان...ينتابني شعور شديد من الكابة...انقسام مابين الناس كلها حتى اعز اصدقائي (الذي لا اعرف هل يعتقدون انى خائنه ايضا ام ماذا؟ لكن انا بحبهم و هافضل احبهم)

 حاجه توجع القلب....مش عاوزه اشوف ولا صور ولا فيديوهات ولا تعليقات

الجيش لا يتمثل فى طنطاوي فقط.. والشرطة.... و امن الدولة.....ماحدش بيمثل حاجه لان كله فى الكويس و فيه الوحش و حسبنا الله ونعمه الوكيل لكل الى مسك سلاح و قتل سواء كانوا فى رابعه..النهضه..الاتحادية...مسبيرو...الاستاد...القطر...رفح...وكل واحد راح (شهداء او  مش شهداء الحاكم هو الله وهو الاعلم بما كان فى الانفس)

مش لازم مصر يحكمها اخواني على قد ما واحد يراعي ربنا مش هيكون زى الصحابه ولا زى الرسول بس يكون عنده اخلاق الدين الاسلامي بحق الى كلنا مفتقدنها بشده و بنتزعم اننا مسلمين انا لا انحاز الا لديني...الذي لا يمثله اى شخص ولاجماعه ..

انا لست خائنه ولا كافرة والله اعلم بقلبي و نيتي...وبجد اللهم انى اشكوا اليك ضعف قوتي و قله حيلتي :L يا رب انك لا تأتي الابخير فأتي به. يا رب احفظ مصر واحفظ كل احبائي