littleالحاجات الـ

اول سنه كليه دى بتبئى غاريبه اوى عشان الواحد بيسستيم نافسو على حاجات جديده كتير.... اهمها البس الخارجى بس على مر السنين الواحد هيلائى نفسه ممكن يلبس نفس البس لمدة اسبوع كامل و ده يا عينى لائنو بكون محتاس فالمشاريع و الابحاث الى ما بتخلسش , لا ده فى ناس كويس اوى انهم بيلحئو يخسلو وشهم الصبح. (مالو يونى فورم المدرسه الى ذى الفل الواحد كان بيلبس نفس اللبس بس على اقل كان بيغيروا و يغسيلو).

تانى حاجه ممكن نلاحظها الغياب و الحضور هتلائى نفسك بتحضر و تلتزم بمزاجك بس بالعافيه فعلا و ده الجديد الاتنين فى و احد , يعنى هما عاملين الغياب ده مش حاجه ملزم بيها بس بعد كده هتتدبس فى درجات اعمال السنه زى حضورك كده و غير كمان انك هتحتاس حوسه مهببه و تبوس ايد الشطار عشان تصور منهم الكشكول او عشان حتى يشرحولك حاجه و طبعا متنساش ان المصرين بتوع الفزلكه يعنى ممكن يحطولك منهج جديد اصلا.

نجيى بئة على الدكترة و الدكترة دول انواع:

فى دكتور عنده ضمير زى ضمير ابله حكمت زمان كده و ده بيكون عاوز يفهم الطالب بأى شكل بس مشكلتوا حجتين انو اولا منهجه طويل اوى و ثانيا هيئرفك فى الدرجات

فى دكتور هدفه الاساسى بيع الكتب بأى شكل و بأى وسيله و صدقنى هتشتريه يعنى هتشتريه

فى دكتره رايئه جدا و ده ممكن يخش يسألك هوه انا بديكوا ايه؟ او انتوا سنه كام؟ و ده لازم تعذره لان مشغولياته كتيره يا حرام مش بئيده برده و بصراحه ده كتيره اوى تشوفوه مرتين فى السنه مره يئولك المنهج و مرة يؤلك الحاجات الملغيه

فى دكاترة استغلاليه يعنى يحبك و يعزك اوى و يديك اعمال سنه فله مش بعيد كمان يخليك تحط الامتحان بتاع الدفعه بتاعتك و كل ده عشان تلخصله حاجات او تعمله بحث و لا حته تترجمله حاجه خاصه بشغله عشان يترقى بيها و يبئه دكتور مساعد و لا مش عارفه ايه

فى دكتره مش مؤدبه تدى الدرجات على حسب درجه جمال البنت و طبعا بيموتوا فى السهوكه و اللبس المدندش و بصراحه النوع ده بيضحك جدا

فى دكاترة متخصصين فى الكروته يئلبلك المنهج فى اسبوعين و يعملك ملزمه 200 صفحه و سبحان الله قدرته قادر شرح ال 200 صفحه امته؟؟ العلم عند الله

فى نوع اخير بئه مالوش حل... يكرهك فى نفسك و فى الماده و فيه هوه كمان مش بيخش محاضرة غير لما يطلع عينك و عين الدفعه و يا ويلك يا سواد ليلك لو سألك و معرفتش تجاوب ... ما فيش داعى اكمل احسن... بس على الفكرة الدكتور بيعتقد ان بالطريقه دى هيخليك احسن و يخليك واحد فعلا بتفهم بس يا عينى مايعرفش انوا ممكن يئلب مع بعض الطلاب بعقده نفسيه فى المستقبل

الدكاترة دول فعلا شغلانه لوحدهم هوه المفرود ان دكتور ده يعنى حاجه راقيه و مستوى ثقافى مالوش حل و ليه شنه و رنه فى المجتمع و لا ايه " بنتى لازم تتجوز دكتور" !.. بلا نيله ده المدرسين بئو احسن دلوقتى .. انا مش بئول ان الدكاترة كلهم و حشين بس يعنى الى يعيش ياما يشوف و هوه اكيد برده كا حاجه ليها سبب يعنى اكيد الدكتور الوحش ده حد كان طلع عينه عشان كده بيطلع عين الطلابه و هو اختلك لى اخيك الاعذار حتى 70 عذرا فان لم تجد فلعل هناك عذرا لم تجده بعد